Pasen y vean

La Nueva España, 11/07/15

Ilustración: Pablo García

Ilustración: Pablo García

Los tres Ciudadanos electos entrevistáronse cola xente del PSOE y quedaron contentos: gran sintonía. Nun tuvieron vagar pa cepillar los dientes cuatro veces pa cuando s’entrevistaron cola xente del PP: gran sintonía. Esta sorprendente coincidencia esplícase de varies maneres. Una ye considerar que les dos entrevistes les tuvieron con un mesmu ente polimorfu (Hipótesis del Podemita). Otra diola’l Ciudadán cabezaleru, Nicanor García: ellos tres pueden sintonizar con unos y con otros porque tán (y soi literal) «en medio del fiel de la balanza». ¡Admirable precisión! ¡En mediu del mediu! Equilibrios tan rigurosos pueden afrontalos namás los funambulistes más dotaos. Ta de más emponderar qué delicada ye esa postura: salta d’órbita un electrón d’un átomu d’úna molécula d’una proteína de queratina d’un pelu del furacu izquierdu de la nariz de Nicanor García, y ya queda’l políticu escoráu, colo qu’eso representa pa la gobernabilidá d’Asturies. Nun digo nada si’l pelu enteru cambia de furacu (nun lo descarte: vense coses mui rares).

Nun fue l’únicu exerciciu circense d’estos díes. La xente de Podemos pidió la presencia del director del circu y xifló-yos a los contorsionistes. El director requeríu resultó ser tamién domador de lleones (como Ángel Cristo), y sacó un par d’ellos, amansaos, a saltar pel aru y a ruxir contra los enanos. Ún de los bichos (ún que me suena que-y grabaron, nun va muncho, nun sé qué de «dinero» y «me limpio el culo con él») declaróse indignáu poles males maneres coles que s’espresaren los dichosos enanos. Esa parte fue una brillante innovación de la empresa: mecer el númberu de les fieres col de los payasos. El públicu agradeciólo con grandes aplausos.

La parte de prestidixitación féxola la conseyera d’Educación en funciones. Prestímana consumada, vuelve a solicitar a Madrid la especialidá docente de Llingua Asturiana al ministru nuevu: «Siga la mano, siga la mano…» Pero la carta que buscamos nun ta en Madrid: tienla guardada’l so partíu de va munchos años, y ye un as con una O mayúscula en mediu.

L’espectáculu nun acabó tovía. Promete momentos brillantes y un atrevimientu desvergonzáu que nos trai a la cabeza aquella troupe de la que cantaba, años atrás, la Orquesta Mondragón, ¿acuérdase usté de la lletra? Esperamos, ansiosos, a la muyer barbuda.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: