Xénesis 3:6

La Nueva España, 09/05/2015

vieyu fumeta

Ilustración de Pablo García

Resumo: produzse una avería eléctrica nuna residencia de mayores n’Uviéu. Pa iguala, l’operariu quita un panel del falsu techu d’un cuartu ocupáu por una parexa (entiéndese qu’heterosexual,’cause, como se va ver, notru tiempu más feliz, o más desgraciáu, atreviéronse cola reproducción) y atopa bolses con maría y hachís (que ’tain’t un espirríu, señora, caballeru: si escribo chocolate voi tener el mesmu problema de polisemia colos lectores cándidos). Fálta-y tiempu pa ponelo en conocimientu de la dirección del establecimientu, a la que tampoco-y vaga llamar a la policía. Acuden los funcionarios, observen, piensen y lleguen a la conclusión de que los vieyinos nun son imputables nel casu. ¿Quién los visita? Un nietu. Sospechoso: ¿de cuándo p’acá los nietos visiten a los güelos ingresaos en xeriátricos? Investiguen. El nietu resulta tener antecedentes por trapichear. Interróguenlu y canta: él punxo la droga nel falsu techu: ¿quién diba buscar enriba les santes cames de los ascendientes?

Admirable lección’bout los prexuicios sociales, la pluralidá de formes qu’adopta la miseria humana y, a fin de cuentes, alegatu en favor de la eutanasia.

Primero, l’electricista con vocación de «perro del hortelano». Bien pudo respetar l’alegría ayena o la iniciativa emprendedora, pero qué va. Y, puestos a meter la mano, treviésase-y delantre la ocasión de convertise nun personaxe de teleserie americana, de quedase discretamente cola ayalga y empezar una vida aventurera de camellu, y él quier más adoptar el papel del chivatu y acudir al profe cola chuleta del compañeru copión. Amigos y familiares van aburrise d’oílu contar qué honráu fue aquel día de colaboracionismu probu. Pero a saber si, nes fantasíes nocturnes d’esi país fronterizu col sueñu onde merez la pena vivir, va imaxinase, la cabeza rapada y los güeyos afilaos detrás d’unos cristales reflectantes, el coldu apoyáu con chulería nel vanu de la ventanilla baxada d’un Lexus, sescudiendo una bolsina de plásticu qu’esparde, pel aire de La Tenderina, arumes psicotrópicos qu’atraen rebañaes d’insinuantes llagartes zombis de boca podre. ¡Ai, la vida que pudo ser! Parafina y a tirar cable, compañeru.

Depués, el nietu. Por aprovecháu nun lu podemos xulgar, siendo ciudadanos españoles. Pero yo póngome, de bona gana, de parte del Azar y disfruto la burla. Ye un casu de mala suerte notable. Esi mete los deos nun tajalápiz y electrocútase.

Pa detrás, la policía. Ven al matrimoniu mustiu y dicen: «Nomenón: descartaos». ¿Y por qué? La virtú’tis méritu na mocedá, cabezonería cuando la Güesuda vien de camín. Más triste que’l delitu descubiertu’tis sufrir el despreciu de la llei. ¡Qué depresión que t’adornien cola inocencia de la infancia los que tovía nun saben, por razón d’edá, lo que tu queríes más ignorar! Apetezme decivos, apreciadísima parexa del xeriátricu, que yo nun vos faigo de menos, nun vos humillo: doivos créditu de traficantes o consumidores, el mínimu respetu que-yos debemos a les vuestres canes venerables. Véovos tumbaos nes cames del cuartu, acallaos pola rutina diaria, y fuera llueve, y na tele discuten unos rapazos a voces d’engaños millonarios, poder y futuros múltiples pero toos felices. A ti, güelina, la vista espetada en techu, paezte ver una sombra sinuosa que repta percima les plaques del’tissu. Suspires, tuerces la cabeza y díces-y a él:

—Qué, cuco, ¿liamos un petardín?

Y, puestos a aspirar fondo la vida que vos quede, volvéis a ser rapacinos desnudos una tarde de veranu na poza d’un ríu, Eva y Adán de vuelta nel paraísu.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: