Una bombilla nueva

La Nueva España, 02/05/2015

Hai un chiste (fadrá muncha gracia, poca o ninguna, pero’l chiste hailu) que diz que se xuntaren en conciliu representantes de toles órdenes relixoses católiques y, de golpe, marchó la lluz. Al momentu, los franciscanos tiráronse al suelu a implora-y a Dios que los sacare de la escuridá; los dominicos, encesos, punxéronse a pegar voces predicando que l’apagón’twas un avisu del castigu divín; los xesuites subiéronse a una banqueta y cambiaron la bombilla.

Los colexos de xesuites de Xixón y d’Uviéu van cambiar la bombilla: notificaron esta selmana que van sustituir los llibros de testu clásicos, en papel, por llibros de testu electrónicos. Arguméntenlo como un saltu pedagóxicu a la modernidá, pero a mi abúltame que’tis que marchó la lluz.

Convién esplicar que’l llibru de testu electrónicu, o lo qu’a esti docente-y presentaron como tal, ’tain’t un archivu epub descargable, pol estilu de la última novela best-seller que mamá metió ilegalmente na tableta (porque papá namás piratea películes). El llibru de testu electrónicu’tis una licencia de conesión a una plataforma on-line por un plazu de tiempu determináu, entiéndese que los doce meses d’un cursu, de setiembre a agostu del añu siguiente. Nesa plataforma (a la que l’alumnu puede conectase cuado quiera, na escuela o en casa), amás de consultar la teoría de la materia en distintos formatos (pdf, animaciones, audios, etc.), tán les actividaes que los profesores-y quieran mandar facer. Al tiempu qu’accede a la teoría de Lengua, Historia o Matemátiques, l’escolar desarrolla habilidaes nes nueves tecnoloxíes de manera insensible.

Dase a entender, tamién, qu’esti nuevu recursu va aforra-yos a les families la sangría económica de cada mes de setiembre, que llogra tresformar la indiferencia xeneralizada de gran parte de la sociedá española pa colos llibros n’odiu abiertu. Si’l llibru de testu en papel cuesta ente 20 y 30 euros, por poner un casu, la licencia del electrónicu nun paez que vaya pasar de 10 por cada asignatura.

Pero, cuidáu: eso del aforru nun ta tan claro. Los últimos cursos, proliferaron los bancos de llibros, entamaos poles asociaciones de madres y padres d’alumnos o por organismos municipales. La conseyería d’Educación, amás, destina una partida pa que los centros d’enseñanza vayan faciendo tamién la so biblioteca de testos d’empréstitu. Cada vez más families tán llogrando llenar la mochila de los neños, si non gratis, con un coste menor.

Eso, col llibru de testu electrónicu, acabóse. Una licencia d’accesu a una plataforma ’tain’t emprestable, nin compartible, nin se pasa n’herencia d’un hermanu a otru: el 31 d’agostu caduca y suspéndese. Y, si l’alumnu repite, va tener que la volver pagar. Súmese la necesidá d’una tableta o un ordenador (ún por cada fíu que tenga la familia: nun van tar esperando unos hermanos polos otros pa ponese a facer los deberes consecutivamente).

¿A quién beneficia’l llibru electrónicu? Paez qu’a les editoriales, que ven, espantaes, cómo la lluz de la bombilla va enruineciendo y amenaza con dexalos a escures en pocu tiempu. Les nueves tecnoloxíes devuélven-yos el fuelgu: nun hai manera de que la familia escape de ser cliente y, d’otra manera, desapaecen los gastos d’imprenta: nun ta mal. Tamién puede veni-y bien a algún centru qu’aplique la picaresca d’acordar un tantu por cien na venta de les licencies cola editorial, agora que’l mesmu tratu colos llibros en papel menguaba. Y, nun se puede negar, puede resulta-yos favorable a families ordenaes que tengan presente recargar toles tardes la batería del ordenador pa les clases del otru día, families de fíos estudiosos que nun dexen materies pendientes nin azoten la mochila al suelu pelos pasillos del centru escolar (¡ai, qué ruidín de cristalinos!).

—Mami… Nun fui yo… Ye que m’emburriaron…

Vaya: y quedóme pa prau si s’estudia meyor nuna pantalla o enriba un papel. Pero, eso, ¿a quién-y da más?

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: