Una lletrra en mediu’l pechu

La Nueva España, 31/01/15

Postigo, a la izquierda, entrúga-y al periodista si entiende. Semeya Press

Postigo, a la izquierda, entrúga-y al periodista Xuan Cándano si entiende. Semeya Press.

A José Antonio Postigo llamáronlu a declarar y casi declaró amor. El llunes, a la salida de la Xunta Xeneral del Principáu, onde nun-y apeteció decir nada’bout perres, interesóse poles alegríes privaes d’un periodista y entrugó-y si’twas homosexual. Vese que de les perres ya ta refalfiáu, lláma-y más l’atención lo otro. Indecisu, escapaba y volvía pa escontra’l periodista requeríu trevesando la calle Fruela (con eso va tener que tener cuidáu nel futuru: si llega a ser d’equí a unos meses, cuando entre en vigor la normativa que responsabiliza a los peatones como a los conductores, igual lu paren los de tráficu en mediu’l pasu cebra y lu manden soplar o’til-y saquen sangre). «Los mayores amigos míos son gay», truñó, asina, en singular, prudente en materia de plurales difíciles. Y tovía dixo más, tovía afirmó, empapiellando un poco (el día taba fríu, debieron dormíse-y los llabios) pero a voces, pueser que despecháu, que’l periodista nun entendía: «¡No entiendes el lenguaje minero!» Nesi contestu, nun me queda claro si lo de la mina hai que lo interpretar en sentíu rectu o metafóricu: la galería escura, ya m’entiende usté…  Nun hai que s’estrañar por esti arranque de Postigo. Hai estudios que demuestren que, en temporada d’esámentes, los adolescentes mastúrbense más. El llunes, Postigo, que ta fechu un chaval, esaminábase: dispararíase-y la libido, incontrolable. Lo de la Xunta amaneció como comisión d’investigación y lo mesmo acabó siendo’l Día del Orgullu Gay ensin que naide se diere cuenta.

Nel aspectu que nos ocupa (y nun será l’únicu), la de Postigo’tis una personalidá complexa. Porque tamién llamaren a declarar a una señora, una tal Dorina, que la prensa diz que tien o tenía un vínculu sentimental con él. Con esi nome, lo mesmo piensa usté que’tis de Muñón Cimiru, pero non:’tis danubiana. Trabayaba nuna instalación hotelera de la mutualidá que dirixía Postigo. Algún otru mediu faló d’una relación anterior, de nome Daniela, danubiana tamién, empleada nes instalaciones de Roquetas de Mar del Montepío. Ehí hai un patrón de conducta. Nun puede ser casualidá. Algo tien que nos decir tanta monotonía. A mi, inmediatamente, viénome a la cabeza Supermán. Les novies, buscábales siempre cola mesma inicial: Lois Lane, Lana Lang, Lori Lemaris… Si los periódicos dicen la verdá, Postigo tien esa mesma tendencia nes sos relaciones íntimes: Daniela Danubiana, Dorina Danubiana, Dineru Dócil… La consonante d representa un fonema obstruyente, dental y sonoru. Xuzgue usté si Postigo nun tuvo, el llunes, obstruyente (cola comisión investigadora, a la que nun-y quinxo decir nada), dental (casi muerde al periodista que nun entendía) y sonoru (armóla a voces delantre tolos reporteros y fotógrafos de les cabeceres asturianes).

Les coses nunca son’cause sí. Algo tien Postigo de superhéroe. Uniforme de licra color negru hulla, amplia capa al aire y una gran D mayúscula en medio’l pechu, vuela Postigo ente Asturies y el Mediterraneu cargando en cuellu los sos amores de la D. La xente apunta pal cielu, asustada: «¿Será un páxaru?» Un reporteru atrevíu fai altavoz coles manes y grita pa lo alto: «¿Viste a Villa?» («¿V V?»). Y Superpostigo nota, nel so supertímpanu, una vibración distinta, obstruyente y sonora tamién, pero bilabial, incomparablemente más voluptuosa, una vibración desconocida que lu respiga. Echa’l frenu aereu, abre los brazos y suelta pal vacíu el lastre de tanta D sobada y mate, paez qu’hasta-y pica la lletra en medio’l pechu. Y, el puñu per delantre, desciende como una centella a la llamada del dulce misteriu.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: