Cánidos

Informadores y tertulianos siguen diciendo que marchen del país los mozos más preparaos y con más iniciativa. Ergo, los que queden, deben ser los menos preparaos y más cobardes, los que peor s’adapten a los cambios. Esto traime a la cabeza los perros y los llobos (y entiéndase que, pa mi, «perru» como apelativu ye emponderanza y nunca insultu).

Paez ser que, va 15.000 años, dellos llobos descubrieron que yera más fácil vivir en compañía humana y empezaron a llambenos les manes. Nun sé cómo los nuestros antepasaos pudieron vivir hasta entós ensin esi xestu, porque nun hai bichu con más falta de que lu llamban que nosotros… pero ye otru tema. Aquellos llobos llambemanos asociáronsenos y aceptaron que los cambiáremos d’aspectu (y los castráremos y nos convirtiéremos nos sos censores sexuales y, en tiempos recientes, que los vistiéremos con ropa de payasín) porque lo que queríen yera garantizar la comida, y eso consiguiéronlo. Adaptáronse a otra sociedá. Dexaron los altos nevaos y les campes barríes pol airón y guardáronse en cortes (de les del ganáu herbívoru y del real), casones y chamizos. Emigraron.

Mientres, los llobos, los que nun tuvieron cabeza bastante pa dexar la cueva onde nacieron nin los vieyos vezos cazadores, enredáronse nuna guerra inacabable col bípedu humanu que namás pueden perder y que los tien col corazón en focicu nos pocos sitios onde tovía ponen pueblu.

Evidentemente, paez que los tertulianos tienen razón: trunfó l’emigrante.

Si nun fuere que tamién tán los raposos…

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: